"Алматы облыстық
тарихи-мәдени мұраны қорғау жөніндегі орталық" КММ

    Жаңартылған

    Қазақстан Республикасы Мәдениет және спорт министрінің 2020 жылғы 26 мамырдағы № 149 бұйрығы. Қазақстан Республикасының Әділет министрлігінде 2020 жылғы 27 мамырда № 20738 болып тіркелді.

    • Мәтін
    • Ресми жарияланым
    • Ақпарат
    • Өзгерістер тарихы
    • Сілтемелер
    • Көшіру
      PDF DOCX ЭББ нұсқасы
    • Басқа

          "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес БҰЙЫРАМЫН:

          1. Қоса беріліп отырған "Мемориалдық тақталарды орнатуға рұқсат беру" мемлекеттiк қызметін көрсету қағидалары бекітілсін.

          2. Қазақстан Республикасы Мәдениет және спорт министрлігінің Мәдениет және өнер істері департаменті заңнамада белгіленген тәртіппен:

          1) осы бұйрықтың Қазақстан Республикасының Әдiлет министрлiгiнде мемлекеттiк тiркелуін;

          2) осы бұйрық қолданысқа енгізілгеннен кейін екі жұмыс күні ішінде Қазақстан Республикасы Мәдениет және спорт министрлігінің интернет-ресурсында орналастыруды;

          3) осы тармақпен көзделген іс-шаралар орындалғаннан кейін екі жұмыс күні ішінде Қазақстан Республикасы Мәдениет және спорт министрлігінің Заң қызметі департаментіне іс-шаралардың орындалуы туралы мәліметтерді ұсынуды қамтамасыз етсін.

          3. Осы бұйрықтың орындалуын бақылау жетекшілік ететін Қазақстан Республикасының Мәдениет және спорт вице-министріне жүктелсін.

          4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

     

          Қазақстан Республикасы
    Мәдениет және спорт министрі
    А. Раимкулова

     

          "КЕЛІСІЛДІ"

          Қазақстан Республикасының

          Цифрлық даму, инновациялар және

          аэроғарыш өнеркәсібі министрлігі

     

      Қазақстан Республикасы
    Мәдениет және спорт министрі
    2020 жылғы 26 мамырдағы
    № 149 бұйрығымен
    бекітілген

     

    "Мемориалдық тақталарды орнатуға рұқсат беру" мемлекеттік қызметін көрсету қағидалары

    1-тарау. Жалпы ережелер

          1. Осы "Мемориалдық тақталарды орнатуға рұқсат беру" мемлекеттік қызметін көрсету қағидалары (бұдан әрі - Қағидалар) "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының (бұдан әрі - Заң) 10-бабының 1) тармақшасына сәйкес әзірленді және "Мемориалдық тақталарды орнатуға рұқсат беру" мемлекеттік қызметін көрсету (бұдан әрі - мемлекеттік көрсетілетін қызмет) тәртібін айқындайды.

          2. Мемлекеттік қызметті облыстардың, Нұр-Сұлтан, Алматы және Шымкент қалаларының жергілікті атқарушы органдары (бұдан әрі - көрсетілетін қызметті беруші) жеке және заңды тұлғаларға (бұдан әрі - көрсетілетін қызметті алушы) көрсетеді.

    2-тарау. Мемлекеттік қызметті көрсету тәртібі

          3. Мемлекеттік көрсетілетін қызметті алу үшін көрсетілетін қызметті алушы осы Қағидаларға 1-қосымшаға сәйкес нысан бойынша өтінішпен қоса осы Қағидаларға 2-қосымшаға сәйкес "Мемориалдық тақталар орнатуға рұқсат беру" мемлекеттік көрсетілетін қызмет стандартының (бұдан әрі - стандарт) 8-тармағында көрсетілген құжаттарды (бұдан әрі - өтініш) көрсетілетін қызметті берушінің кеңсесіне немесе "электрондық үкіметке" www.egov.kz, www.elisence.kz веб-порталдары (бұдан әрі - портал) арқылы береді.

          Мемлекеттік қызмет көрсету ерекшеліктері ескеріле отырып, қызмет көрсету процесінің сипаттамаларын, нысанын, мазмұнын мен нәтижесін, сондай-ақ өзге де мәліметтерді қамтитын мемлекеттік қызмет көрсетуге қойылатын негізгі талаптар тізбесі стандартта келтірілген.

          4. Өтініш көрсетілетін қызметті берушінің кеңсесі арқылы жолданған жағдайда оның көшірмесіне өтінішті қабылдаған адамның тегі, аты, әкесінің аты (бар болған жағдайда) көрсетіле отырып, кіріс құжаттарының күні, уақыты және нөмірі қамтылған көрсетілетін қызметті берушінің мөртабасы қойылады. Портал арқылы жүгінген кезде көрсетілетін қызметті алушының "жеке кабинетіне" өтініштің алынған күні мен уақыты көрсетіле отырып, мемлекеттік қызмет көрсетуге сұраныстың қабылданғаны туралы мәртебесі жіберіледі.

          5. Көрсетілетін қызметті берушінің кеңсесі өтініш түскен күні қабылдауды, тіркеуді жүзеге асырады және оны жауапты құрылымдық бөлімшеге орындауға береді.

          Көрсетілетін қызметті алушы жұмыс уақыты аяқталғаннан кейін, демалыс және мереке күндері жүгінген жағдайда 2015 жылғы 23 қарашадағы Қазақстан Республикасының Еңбек кодексіне және "Қазақстан Республикасындағы мерекелер туралы" 2001 жылғы 13 желтоқсандағы Қазақстан Республикасының Заңына сәйкес өтінішті қабылдау және мемлекеттік қызметті көрсету келесі жұмыс күні жүзеге асырылады.

          6. Көрсетілетін қызметті берушінің жауапты құрылымдық бөлімшесінің қызметкері (бұдан әрі – жауапты орындаушы) өтінішті тіркеген сәттен бастап 5 (бес) күнтізбелік күн ішінде ұсынылған құжаттардың толықтығын тексереді.

          Ұсынылған құжаттардың толық болмауы және/немесе құжаттардың қолданылу мерзімінен шыққан фактісі анықталған жағдайда, көрсетілетін қызметті беруші көрсетілген мерзімде көрсетілетін қызметті алушыға осы Қағидаларға 3-қосымшаға сәйкес нысан бойынша өтінішті қараудан бас тарту туралы қолхат береді.

          Ескерту. 6-тармаққа өзгеріс енгізілді - ҚР Мәдениет және спорт министрінің 07.12.2020 № 332 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

          7. Стандарттың 8-тармағымен қарастырылған ұсынылатын құжаттар толық болған жағдайда, жауапты орындаушы 5 (бес) күнтізбелік күн ішінде өтінішті "Тарихи-мәдени мұра объектілерін қорғау және пайдалану туралы" 2019 жылғы 26 желтоқсандағы Қазақстан Республикасы Заңының 11-бабының 8) тармақшасына сәйкес көрсетілетін қызметті берушімен құрылған тарих және мәдениет ескерткіштерін қорғау жөніндегі комиссияның (бұдан әрі – Комиссия) қарауына енгізеді.

          Комиссия құрамына ғылым және мәдениет қайраткерлері, мемлекеттік органдардың, шығармашылық және қоғамдық ұйымдардың өкілдері, тарихшылар, сәулетшілер кіреді.

          Комиссия мүшелері тақ саннан тұрады, олардың қатарынан төраға және төрағаның орынбасары тағайындалады.

          Комиссия төрағасы оның қызметіне басшылық жасайды, Комиссия отырыстарын өткізеді. Төраға болмаған кезде оның функцияларын төрағаның орынбасары орындайды.

          Комиссия қызметін қамтамасыз ету жөніндегі жұмысты үйлестіруді, оның отырыстарының хаттамаларын дайындауды Комиссия мүшесі болып табылмайтын хатшы жүзеге асырады.

          Ескерту. 7-тармаққа өзгеріс енгізілді - ҚР Мәдениет және спорт министрінің 07.12.2020 № 332 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

          8. Әрбір өтініш ашық дауыс беруге қойылады және егер оған қатысып отырған Комиссия мүшелерінің жалпы санының көпшілігі дауыс берсе, қабылданды деп есептеледі.

          Дауыстар тең болған жағдайда төрағалық етушінің дауысы шешуші болып табылады.

          Егер отырысқа Комиссия мүшелерінің жалпы санының кемінде үштен екісі қатысса, Комиссия шешімі заңды деп есептеледі.

          9. Комиссия өтінішті Қазақстан Республикасы Мәдениет және спорт министрінің 2020 жылғы 2 сәуірдегі № 77 бұйрығымен бекітілген (Нормативтік құқықтық актілерді мемлекеттік тіркеу тізілімінде № 20310 болып тіркелген) Мемориалдық тақталар орнату қағидаларының 56 және 7-тармақтарында көрсетілген мәліметтер мен талаптарға сәйкестігі тұрғысынан қарайды.

          10. Комиссия өтініштің қарауға келіп түскен күнінен бастап 12 (он екі) күнтізбелік күн ішінде көрсетілетін қызметті алушыға мемориалдық тақтаны орнатуға рұқсат беруге келісу туралы немесе теріс шешім шығарады.

          Комиссияның шешімі хаттамамен ресімделеді, оған отырысқа қатысқан Комиссияның барлық мүшелері қол қояды.

          Ескерту. 10-тармақ жаңа редакцияда - ҚР Мәдениет және спорт министрінің 07.12.2020 № 332 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

          11. Жауапты орындаушы Комиссия шешімінің негізінде Комиссияның хаттамасына қол қойылған күннен 5 (бес) күнтізбелік күн ішінде осы Қағидаларға 4-қосымшаға сәйкес нысан бойынша мемориалдық тақтаны орнатуға рұқсат (бұдан әрі – рұқсат) немесе осы Қағидаларға 5-қосымшаға сәйкес нысан бойынша мемориалдық тақта орнатуға рұқсат беруден дәлелді бас тарту (бұдан әрі – дәлелді бас тарту) жобасын дайындайды және көрсетілетін қызметті берушінің басшысына еңгізеді.

          Ескерту. 11-тармақ жаңа редакцияда - ҚР Мәдениет және спорт министрінің 07.12.2020 № 332 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

          12. Көрсетілетін қызметті берушінің басшысы мемлекеттік қызмет көрсету нәтижесі жобасының келіп түскен сәттен бастап 2 (екі) күнтізбелік күн ішінде рұқсатқа немесе дәлелді бас тартуға қол қояды. Жауапты орындаушы 1 (бір) күнтізбелік күн ішінде көрсетілетін қызметті алушыға мемлекеттік қызмет көрсету нәтижесін жолдайды.

          Мемлекеттік қызмет көрсетуден бас тарту негіздемелері Стандарттың 9-тармағында көрсетілген.

          Ескерту. 12-тармаққа өзгеріс енгізілді - ҚР Мәдениет және спорт министрінің 07.12.2020 № 332 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

          13. Өтініш көрсетілетін қызметті алушыдан қағаз жеткізгіште түскен жағдайда мемлекеттік көрсетілетін қызмет нәтижесі көрсетілетін қызметті берушінің кеңсесі арқылы көрсетілетін қызметті берушінің басшысының қолтаңбасымен жолданады.

          Өтініш көрсетілетін қызметті алушыдан портал арқылы келіп түскен жағдайда мемлекеттік қызметті көрсету нәтижесі көрсетілетін қызмет алушының "жеке кабинетіне" көрсетілетін қызметті беруші басшысының электрондық цифрлық қолтаңбасымен қойылған электрондық құжат нысанында жолданады.

          14. Көрсетілетін қызметті беруші мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне енгізуді Заңның 5-бабының 2-тармағының 11) тармақшасына сәйкес қамтамасыз етеді.

    3-тарау. Мемлекеттік қызмет көрсету мәселелері бойынша көрсетілетін қызметті берушінің және (немесе) оның лауазымды адамдарының шешімдеріне, әрекетіне (әрекетсіздігіне) шағымдану тәртібі

          15. Көрсетілетін қызметті берушінің мемлекеттік қызметті көрсету мәселелері бойынша шешіміне, әрекеттеріне (әрекетсіздігіне) шағым Қазақстан Республикасының заңнамасына сәйкес көрсетілетін қызметті берушінің атына, тарихи-мәдени мұра объектілерін қорғау және пайдалану жөніндегі уәкiлеттi органға немесе мемлекеттік қызметтерді көрсету сапасын бағалау және бақылау жөніндегі уәкілетті органға берілуі мүмкін.

          16. "Мемлекеттік көрсетілетін қызметтер туралы" Заңның 25-бабының 2-тармағына сәйкес көрсетілетін қызметті берушінің атына, тарихи-мәдени мұра объектілерін қорғау және пайдалану жөніндегі уәкiлеттi органға келіп түскен көрсетілетін қызметті алушының шағымы оның тіркелген күнінен бастап 5 (бес) жұмыс күні ішінде қаралуға жатады.

          17. Көрсетілетін қызметті алушының мемлекеттік қызметтерді көрсету сапасын бағалау және бақылау жөніндегі уәкілетті органның мекенжайына келіп түскен шағымы оның тіркелген күнінен бастап 15 (он бес) жұмыс күні ішінде қаралуға жатады.

          18. Көрсетілген мемлекеттік қызметтің нәтижелерімен келіспеген жағдайда, көрсетілетін қызметті алушы Қазақстан Республикасының заңнамасында белгіленген тәртіппен сотқа жүгіне алады.

     

      "Мемориалдық тақталарды
    орнатуға рұқсат беру"
    мемлекеттік қызметін
    көрсету қағидаларына
    1-қосымша
      ____________________________
    (облыстың, жергілікті атқарушы
    органы Нұр-Сұлтан, Алматы
    және Шымкент қалалары)
      Нысан

     

    Өтініш

          ________________________________________________________________________________

          мемориалдық тақта орнатуға рұқсат беруіңізді сұраймын

          ________________________________________________________________________________

          (атауы, сипаттама)

          Орнату мақсаты: _________________________________________________________________

          Орналасқан жері (мекенжай)

          ________________________________________________________________________________

          ________________________________________________________________________________

          ________________________________________________________________________________

          Өтініш беруші туралы мәліметтер:

          ________________________________________________________________________________

          ________________________________________________________________________________

          (туған күні, азаматтығы, паспорт немесе жеке куәлік номері,

          ________________________________________________________________________________

          берілген уақыты, тұрғылықты жері, байланыс телефоны немесе заңды тұлғаның реквизиттері)

          Қосымша: _____ бетте.

          ________________________________________________________________________________

          (өтінішке "Мемориалдық тақталарды орнатуға рұқсат беру" мемлекеттік көрсетілетін қызмет

          стандартының 8-тармағына сәйкес құжаттар қоса беріледі)

          Ақпараттық жүйелерде қамтылған заңмен қорғалатын құпияны құрайтын мәліметтерді

          пайдалануға келісемін

          Өтініш берушінің қолы ________________      Мерзімі______________________________

          Мөр қоятын орын (заңды тұлғалар үшін)

          (бар болған жағдайда)

     

      "Мемориалдық тақталарды
    орнатуға рұқсат беру"
    мемлекеттік қызметін
    көрсету қағидаларына
    2-қосымша

     

          Ескерту. 2-қосымшаға өзгеріс енгізілді - ҚР Мәдениет және спорт министрінің 07.12.2020 № 332 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

     

    "Мемориалдық тақталарды орнатуға рұқсат беру" мемлекеттік көрсетілетін қызмет стандарты

    1.

    Көрсетілетін қызметті берушінің атауы

    облыстың, жергілікті атқарушы органы Нұр-Сұлтан, Алматы және Шымкент қалалары

    2.

    Мемлекеттік қызметті ұсыну тәсілдері

    1) қызмет берушінің кеңсесі;
    2) "электрондық үкіметтің" веб-порталы www.​egov.​kz, www.​eli​cens​e.​kz

    3.

    Мемлекеттік қызмет көрсету мерзімі

    30 (отыз) күнтізбелік күні

    4.

    Мемлекеттік қызметті көрсету нысаны

    электронды (жартылай)/ қағаз түрінде

    5.

    Мемлекеттік қызметті көрсету нәтижесі

    "Мемориалдық тақталарды орнатуға рұқсат беру" мемлекеттік қызметін көрсету қағидаларға (бұдан әрі - қағидалар) 4-қосымшаға сәйкес нысан бойынша мемориалдық тақталарды орнатуға рұқсат немесе осы Қағидаларға 5-қосымшаға сәйкес нысан бойынша осы мемлекеттік көрсетілетін қызмет стандартының 9-тармағында көзделген негіздер бойынша мемориалдық тақта орнатуға рұқсат беруден дәлелді бас тарту

    6.

    Мемлекеттік қызмет көрсету кезінде көрсетілетін қызметті алушыдан алынатын төлем мөлшері және Қазақстан Республикасының заңнамасында көзделген жағдайларда оны алу тәсілдері

    Тегін

    7.

    Жұмыс кестесі

    Көрсетілетін қызметті беруші – Қазақстан Республикасының еңбек заңнамасына сәйкес демалыс және мереке күндерінен басқа, дүйсенбіден бастап жұманы қоса алғанда, сағат 13.00-ден 14.30-ға дейін, түскі үзіліспен сағат 9.00-ден 18.30-ға дейін.
    Құжаттарды қабылдау және Мемлекеттік қызметтер көрсету нәтижелерін беру сағат 13.00-ден 14.30-ға дейінгі түскі үзіліспен сағат 09.00-ден 17.30-ға дейін жүзеге асырылады.
    Қабылдау алдын ала жазылусыз және жеделдетіп қызмет көрсетусіз кезек күту тәртібімен жүзеге асырылады.
    Портал – жөндеу жұмыстарын жүргізуге байланысты техникалық үзілістерді қоспағанда, тәулік бойы.
    Көрсетілетін қызметті алушы жұмыс уақыты аяқталғаннан кейін, демалыс және мереке күндері Қазақстан Республикасының еңбек заңнамасына сәйкес жүгінген кезде өтінімдерді қабылдау және Мемлекеттік қызмет көрсету нәтижелерін беру келесі жұмыс күні жүзеге асырылады.

    8.

    Мемлекеттік қызмет көрсету үшін қажетті құжаттар тізбесі

    кеңсеге:
    1) аса көрнекті тұлғаның сіңірген еңбегін және/немесе айрықша оқиғаның маңыздылығын, сондай-ақ аса көрнекті тұлғаның тұруын, жұмысын, болуын және мемориалдық тақта орнату болжанатын ғимаратта немесе құрылыста болған айрықша оқиғаны растайтын архивтік анықтама және/немесе архивтік құжаттың көшірмесі және/немесе архивтік үзінді және өзге құжаттар;
    2) Қазақстан Республикасы Мәдениет және спорт министрінің 2020 жылғы 2 сәуірдегі № 77 бұйрығымен бекітілген (Нормативтік құқықтық актілерді мемлекеттік тіркеу тізілімінде № 20310 болып тіркелген) Мемориалдық тақталар орнату қағидаларының (бұдан әрі – Мемориалдық тақталар орнату қағидалары) 6 және 7-тармақтарында көрсетілген мәліметтер мен талаптарды қамтитын мемориалдық тақтаның эскизі;
    3) қасбеттерінде мемориалдық тақта орнату болжанатын ғимараттың немесе құрылыстың меншік иесінің (иелерінің) немесе өзге де заңды иесінің жазбаша келісімі;
    4) қасбетінде мемориалдық тақтаны орнату қаралған ғимарат немесе құрылыстың республикалық және халықаралық маңыздағы тарих және мәдениет ескерткіші болып табылған жағдайда, тарихи-мәдени мұра объектілерін қорғау және пайдалану саласындағы уәкілетті органның келісуі.
    порталға:
    1) аса көрнекті тұлғаның сіңірген еңбегін және/немесе айрықша оқиғаның маңыздылығын, сондай-ақ аса көрнекті тұлғаның тұруын, жұмысын, болуын және мемориалдық тақта орнату болжанатын ғимаратта немесе құрылыста болған айрықша оқиғаны растайтын архивтік анықтаманың және/немесе архивтік құжаттың және/немесе архивтік үзіндінің және өзге құжаттардың электрондық көшірмелері;
    2) Мемориалдық тақталар орнату қағидаларының 6 және 7-тармақтарында көрсетілген мәліметтер мен талаптарды қамтитын мемориалдық тақта эскизінің электрондық көшірмесі;
    3) қасбеттерінде мемориалдық тақта орнату болжанатын ғимараттың немесе құрылыстың меншік иесінің (иелерінің) немесе өзге де заңды иесінің жазбаша келісімінің электрондық көшірмесі;
    4) республикалық және халықаралық маңызы бар тарих және мәдениет ескерткіші болып табылатын ғимараттың немесе құрылыстың қасбеттерінде мемориалдық тақта орнатылған жағдайларда уәкілетті органның келісімі туралы құжаттың электрондық көшірмесі.

    9.

    Қазақстан Республикасының заңнамасында белгіленген мемлекеттік қызмет көрсетуден бас тарту үшін негіз

    1) көрсетілетін қызметті алушының мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) анық еместігін анықтау;
    2) комиссияның теріс шешімі.

    10.

    Мемлекеттік қызметті, оның ішінде электрондық нысанда және Мемлекеттік корпорация арқылы көрсету ерекшеліктері ескеріле отырып қойылатын өзге де талаптар

    Өтініштерді қабылдау және мемлекеттік қызмет көрсету нәтижелерін беру көрсетілетін қызметті берушінің кеңсесі немесе "электрондық үкіметтің" www.egov.kz, www.elicense.kz веб-порталы арқылы жүзеге асырылады.
    Көрсетілетін қызметті берушіге жүгінген кезде мүмкіндіктері шектеулі көрсетілетін қызметті алушының мемлекеттік қызметті көрсету ерекшеліктері: ғимарат мүмкіндігі шектеулі адамдардың кіруіне арналған пандустармен жабдықталған.
    Көрсетілетін қызметті алушының мемлекеттік қызмет көрсету тәртібі мен мәртебесі туралы ақпаратты қашықтықтан қол жеткізу режимінде бірыңғай байланыс орталығы: 1414, 8 800 080 7777 арқылы алуға мүмкіндігі бар.
    Мемлекеттік қызмет көрсету мәселелері жөніндегі анықтама қызметтерінің байланыс телефондары көрсетілетін қызметті берушінің ресми интернет-ресурсында орналастырылған.

     

     

      "Мемориалдық тақталарды
    орнатуға рұқсат беру"
    мемлекеттік қызметін
    көрсету қағидаларына
    3-қосымша
      Нысан

     

    Өтінішті қараудан бас тарту туралы қолхат

          ________________________________________________________________________________

          облыстың, жергілікті атқарушы органы Нұр-Сұлтан, Алматы және Шымкент қалаларының атауы

          мемориалдық тақта орнатуға рұқсат беруден бас тартады, атап айтқанда:

          1) (жоқ құжаттың түрі көрсетіледі);

          2) (жоқ құжаттың түрі көрсетіледі);

          3) (жоқ құжаттың түрі көрсетіледі).

          Осы қолхат әрбір тарап үшін бір-бірден 2 данада жасалды.

     

    облыстың, жергілікті атқарушы органы Нұр-Сұлтан, Алматы
    және Шымкент қалаларының уәкілетті лауазымды тұлғасы
    ________________________________________
    (тегі, аты, әкесінің аты (бар болған жағдайда)

    Мөрге арналған орын
    ___________________
    (бар болған жағдайда)

     

          Толтыру күні: " "__________ 20 __ жылы

     

      "Мемориалдық тақталарды
    орнатуға рұқсат беру"
    мемлекеттік қызметін
    көрсету қағидаларына
    4-қосымша
      Нысан

     

    Мемориалдық тақта орнатуға рұқсат беру

          ______ қаласы № _____ "___" _______ 20___ жылы

          Өтініш беруші ___________________________________________________________________

          (тегі, аты, әкесінің аты (бар болған жағдайда) немесе заңды тұлғаның атауы)

          Өтініш берушінің деректері:________________________________________________________

          (азаматтығы, паспорттың немесе жеке куәліктің нөмірі,

          ________________________________________________________________________________

          оның берілген күні немесе заңды тұлғаның деректемелері)

          ________________________________________________________________________________

          Өтініш берушінің қызмет түрі______________________________________________________

          Комиссия шешімі негізінде

          ________________________________________________________________________________

          (облыстың, жергілікті атқарушы органы Нұр-Сұлтан, Алматы және Шымкент қалалары)

          ___________________________________ № ____ от "___" __________ 20____ жылы

          орнатуға рұқсат етіледі

          ________________________________________________________________________________

          (мемориалдық тақтаның атауы)

          ________________________________________________________________________________

          мекен-жайы бойынша

          ________________________________________________________________________________

          ________________________________________________________________________________

          (орналасқан жеріні? мекен-жайы)

          облыстың, жергілікті атқарушы органы Нұр-Сұлтан, Алматы және Шымкент қалаларының

          уәкілетті лауазымды тұлғасы

          ________________________________________________________________________________

          (тегі, аты, әкесінің аты (бар болған жағдайда)

          Мөрге арналған орын

          ___________________

          (бар болған жағдайда)

          Толтыру күні: " "__________ 20 __ жылы

     

      "Мемориалдық тақталарды
    орнатуға рұқсат беру"
    мемлекеттік қызметін
    көрсету қағидаларына
    5-қосымша
      Нысан

     

    Мемориалдық тақтаны орнатуға рұқсат беруден дәлелді бас тарту

          ________________________________________________________________________________

          облыстың, жергілікті атқарушы органы Нұр-Сұлтан, Алматы және Шымкент қалаларының

          атауы мемориалдық тақта орнатуға рұқсат беруден бас тартады__________________________

          ________________________________________________________________________________

          ________________________________________________________________________________

          "Мемориалдық тақталар орнатуға рұқсат беру" мемлекеттік көрсетілетін қызмет

          стандартының 9-тармағында көзделген бас тарту негіздемесі көрсетіледі.

          Осы қолхат әрбір тарап үшін бір-бірден 2 данада жасалды.

     

    облыстың, жергілікті атқарушы органы Нұр-Сұлтан, Алматы
    және Шымкент қалаларының уәкілетті лауазымды тұлғасы
    ________________________________________
    (тегі, аты, әкесінің аты (бар болған жағдайда)

    Мөрге арналған орын
    ___________________
    (бар болған жағдайда)

     

          Толтыру күні: " "__________ 20 __ жылы